ଇଏନସି ୨୦୨୬ରେ ନଡ୍‌ୱିନ ଗେମିଂ ଭାରତ ପାଇଁ ନ୍ୟାଶନାଲ ଟିମ ପାର୍ଟନର ନିଯୁକ୍ତ

ଭୁବନେଶ୍ୱର: ଇସ୍ପୋର୍ଟସ ଫାଉଣ୍ଡେଶନ (ଇଏଫ) ପକ୍ଷରୁ ନଡ୍‌ୱିନ ଗେମିଂକୁ ଇସ୍ପୋର୍ଟସ ନେସନ୍ସ କପ୍ ୨୦୨୬ (ଇଏନସି) ପାଇଁ ଭାରତର ଔପଚାରିକ ନ୍ୟାଶନାଲ ଟିମ ପାର୍ଟନର ନିଯୁକ୍ତ କରାଯାଇଛି । ଏହି ଆନ୍ତର୍ଜାତୀୟ ରାଷ୍ଟ୍ର-ଆଧାରିତ ଇସ୍ପୋର୍ଟସ ପ୍ରତିଯୋଗିତା ଆସନ୍ତା ନଭେମ୍ବର ୨ ରୁ ୨୯ ତାରିଖ ୨୦୨୬ ପର୍ଯ୍ୟନ୍ତ ରିୟାଦଠାରେ ଆରମ୍ଭ ହେବାକୁ ଯାଉଛି । ଭାରତର ନ୍ୟାଶନାଲ ଟିମ ପାର୍ଟନର ଭାବେ ନଡ୍‌ୱିନ ଗେମିଂ ଟିମ ଗଠନର ନେତୃତ୍ୱ ନେବ, ତୃଣମୂଳ ସ୍ତରର ଓ ପ୍ରତିଯୋଗିତାମୂଳକ ସମୁଦାୟଗୁଡିକୁ ସଂଗଠିତ କରିବ । ଗେମ ଜିତିବାରେ ପ୍ରଶିକ୍ଷକଙ୍କୁ ସମର୍ଥନ କରିବ ଏବଂ ପ୍ରକାଶକ, କ୍ଲବ ଓ ଇକୋସିଷ୍ଟମ ହିତାଧିକାରୀଙ୍କୁ ଆନ୍ତର୍ଜାତୀୟ ମଂଚରେ ଦେଶର ପ୍ରତିନିଧିତ୍ୱ କରିବା ପାଇଁ ଭାରତୀୟ ଖେଳାଳିଙ୍କ ପାଇଁ ଆବଶ୍ୟକ ମାର୍ଗ ସ୍ଥାପନ କରିବାରେ ସହଯୋଗ କରିବ ।

ଏସମ୍ପର୍କରେ ନଡୱିନ ଗେମିଂର ଇସ୍ପୋର୍ଟସ: ପାର୍ଟନରସିପ୍ ଆଣ୍ଡ ସ୍ପେଶାଲ ପ୍ରୋଜେକ୍ଟସ ବିଭାଗର ଗ୍ଲୋବାଲ ହେଡ୍ ନିମିଶ ରାଉତ କହିଛନ୍ତି, “ନ୍ୟାଶନାଲ ଟିମ ପାର୍ଟନର ଭାବେ, ତୃଣମୂଳ ସ୍ତରରୁ ଢାଂଚା ପ୍ରସ୍ତୁତ କରିବା, ବିଭିନ୍ନ ପ୍ରତିଯୋଗିତାରେ ପ୍ରତିଭାମାନଙ୍କୁ ଚିହ୍ନଟ ଓ ବିକଶିତ କରିବା ଏବଂ ଭାତୀୟ ଖେଳାଳିଙ୍କୁ ଉଚ୍ଚ ସ୍ତରରେ ପ୍ରତିଯୋଗିତା କରିବା ପାଇଁ ସକ୍ଷମ କରୁଥିବା ଏକ ଉଚ୍ଚ ପ୍ରଦର୍ଶନକ୍ଷମ ପରିବେଶ ସୃଷ୍ଟି କରିବା ଉପରେ ଆମର ଧ୍ୟାନ କେନ୍ଦ୍ରିତ ରହିବ । ଆମେ ଭାରତୀୟ ଇସ୍ପୋର୍ଟସ ପାଇଁ ଅଭିବୃଦ୍ଧିର ପରବର୍ତୀ ପର୍ଯ୍ୟାୟକୁ ଉନ୍ମୋଚନ କରିବା ଏବଂ ଭବିଷ୍ୟତ ପାଇଁ ଏକ ସ୍ଥାୟୀ ମୂଳଦୁଆ ସ୍ଥାପନ କରିବା ଲାଗି ଇଏଫ ସହ ମିଶି କାର୍ଯ୍ୟ କରିବା ପାଇଁ ଉତ୍ସାହିତ ଅଛୁ ।” ସେହିପରି ଦ ଇସ୍ପୋର୍ଟସ ଫାଉଣ୍ଡେଶନର ସ୍ପେଶାଲ ପ୍ରୋଜେକ୍ଟ ବିଭାଗର ନିର୍ଦ୍ଦେଶକ ହନ୍ସ ଜଗ୍‌ନୋ କହିଛନ୍ତି, “ଭାରତ ହେଉଛି ଉତ୍ସାହୀ ଇସ୍ପୋର୍ଟସ ପ୍ରଶଂସକରେ ପରିପୂର୍ଣ୍ଣ ଏକ ଦେଶ, ଯାହା ବିଶ୍ୱ ସ୍ତରରେ ଇସ୍ପୋର୍ଟସର ପାୱାରହାଉସ ହେବା ପାଇଁ ପ୍ରସ୍ତୁତ ହେଉଛି । ନଡ୍‌ୱିନ ଗେମିଂ ଭାରତୀୟ ସମୁଦାୟର ଜଣେ ପ୍ରମୁଖ ସ୍ଥପତି ରହିଆସିଛନ୍ତି ଏବଂ ଆମେ ଭାରତ ପାଇଁ ଇଏନସି ନ୍ୟାଶନାଲ ଟିମକୁ ଏକତ୍ରିତ କରିବା ଏବଂ ରିୟାଦରେ ଏକ ସ୍ଥାନ ହାସଲ କରିବା ଲାଗି ପ୍ରତିଯୋଗିତା କରୁଥିବା ଖେଳାଳିଙ୍କ ପାଇଁ ଜାତୀୟ ଗର୍ବ ସୃଷ୍ଟି କରିବା ପାଇଁ ତାଙ୍କଠାରୁ ଭଲ ଆଉ କାହାକୁ ବିଚାର କରିପାରିଲୁ ନାହିଁ ।

ଇସ୍ପୋର୍ଟସ ନ୍ୟାଶନ୍ସ କପ୍‌ରେ ଚେସ, ପବ୍‌ଜି ମୋବାଇଲ, ରକେଟ ଲିଗ୍‌, ଡୋଟା ୨, ଭାଲୋରାଂଟ, କାଉଂଟର-ଷ୍ଟ୍ରାଇକ ୨, ପବ୍‌ଜି: ବ୍ୟାଟେଲ ଗ୍ରାଉଣ୍ଡସ, ଫାଟାଲ ଫ୍ୟୁରୀ, ଲିଗ ଅଫ୍ ଲିଜେଣ୍ଡସ, ଟ୍ରାକ୍‌ମାନିଆ, ଟମ କ୍ଲାନ୍ସିସ ରେନବୋ ସିକ୍ସ ସିଜ୍‌, ଇଏ ସ୍ପୋର୍ଟସ ଏଫସି ୨୬, ମୋବାଇଲ ଲିଜେଣ୍ଡସ: ବ୍ୟାଙ୍ଗ୍ ବ୍ୟାଙ୍ଗ୍‌, ଅନର ଅଫ୍ କିଙ୍ଗସ ଓ ଆପେକ୍ସ ଲିଜେଣ୍ଡସ ଆଦି ସାମିଲ ରହିବ । ଏହି ପ୍ରତିଯୋଗିତାରେ ୧୬ଟି ଟାଇଟଲରେ ଖେଳାଳି ଓ କୋଚ୍‌ଙ୍କ ପାଇଁ ପ୍ରାୟ ୧୮୪ କୋଟି ଟଙ୍କାର ପୁରସ୍କାର ରାଶି , ପ୍ରାୟ ୪୬ କୋଟି ଟଙ୍କାର କ୍ଲବ୍ ଇନ୍‌ସେଂଟିଭ ରହିଛି । ଇଏନସି ୨୦୨୬ ମୋଟ ୪୧୪ କୋଟି ଟଙ୍କାର ନିବେଶ ଦ୍ୱାରା ସମର୍ଥିତ ଅଟେ ।Team Partners is available on the ENC website and will be updated as additional appointments are confirmed.