ଶ୍ରୀଜଗନ୍ନାଥଙ୍କ ରଥ: ନନ୍ଦିଘୋଷ
ରଥର ଅନ୍ୟ ନାମ– ଚକ୍ରଧ୍ବଜ ବା ଗରୁଡ ଧ୍ବଜ
ରଥରେ ବ୍ୟବହୃତ କାଠର ସଂଖ୍ୟା– ୭୪୨
ରଥର ଉଚ୍ଚତା– ୪୫ ଫୁଟ୍ ୬ ଇଞ୍ଚ
ରଥର ଚକ ସଂଖ୍ୟା– ଷୋଡଶ ସିଦ୍ଧି ଅନୁପାତରେ ୧୬
ରଥ ରକ୍ଷକ– ଇନ୍ଦ୍ର
ରଥାଧୀପ– ବୈନତେୟ
ରଥ ଧ୍ବଜାରେ– ହନୁମାନ
ରଥପାଳ– ଭୈରବ, ନରସିଂହ
ରଥର ଆୟୁଧ– ଶଙ୍ଖ ଓ ଚକ୍ର
ରଥ ଦେବତା– ନୃସିଂହ
ରଥର ଆବରଣ– ପୀତ ଓ ଲୋହିତ(ହଳଦିଆ ଓ ନାଲି କନା)
ରଥର ଅଶ୍ବ ସଂଖ୍ୟା– ୪(ଏମାନଙ୍କ ବର୍ଣ୍ଣ ଧଳା)
ରଥର ଅଶ୍ବ ନାମ– ଶଙ୍ଖ, ବଳାହକ, ଶ୍ବେତ, ହରିଦ୍ବାଶ(ମତାନ୍ତରେ ଏମାନଙ୍କର ନାମ ସୌବ୍ୟ ସୁଗ୍ରୀବ, ମେଘ, ପୁଷ୍ପ, ବଳାହକ)
ରଥର ସାରଥି– ଦାରୁକ
ରଥ ଦଉଡି ବା ରଜ୍ଜୁ– ଶଙ୍ଖଚୁଡ ନାମ୍ନୀ ନାଗୁଣୀ
ରଥ ମୁଖ– ନାନ୍ଦି ମୁଖ
ରଥ ଦେବୀ– ଯୋଗମାୟା
ରଥ ଭୈରବୀ– ଏକପାଦ(ମତାନ୍ତରେ ଘଣ୍ଟାକର୍ଣ୍ଣ)
ରଥ ଯକ୍ଷ– ହର୍ଯ୍ୟକ୍ଷ
ଗର୍ଭାଧିଶ୍ବର– ହିରଣ୍ୟଗର୍ଭା, ଉତ୍କର୍ଷଣୀ–କ୍ରୀୟା, ଯୋଗ, ଆଜ୍ଞା, ଅନୁଜ୍ଞା, ପ୍ରଜ୍ଞା ଓ ମେଧା
ଋଷି ପଟାରେ– ନାରଦ, ଦେବଳ,ବ୍ୟାସ, ଶୁକଦେବ, ପରାଶର, ବଶିଷ୍ଠ, ବିଶ୍ବାମିତ୍ର ଓ ରୁଦ୍ର(ମତାନ୍ତରେ ଏହି ଅଷ୍ଟ ଋଷିଙ୍କ ନାମ ଅମ୍ବରୀଶ, ଜୈମିନୀ, ନାରଦ, ଅଙ୍ଗିରା,ପଣ୍ଡୁ, ମାର୍କଣ୍ଡେୟ, ପୌଲସ୍ତ୍ୟ ଓ ଭାର୍ଗବ)
ରଥ କୁମ୍ଭ– ହିରଣ୍ମୟ
ରଥର ଦ୍ବାରପାଳ– ଜୟ ଓ ବିଜୟ
ରଥାଧିଶ୍ବର ଦେବତା– ଶ୍ରୀଜଗନ୍ନାଥ ଓ ଶ୍ରୀମଦନମୋହନ
ରଥ ମୁର୍ଦ୍ଧାରେ– ଗରୁଡ
ଚାରଣ– ନଳ ଓ କୁବେର
ରଥ ପୀଠର ନାମ– କନଳ ମଞ୍ଚା
ରଥରେ ବ୍ୟବହୃତ ଚନ୍ଦ୍ରାତପର ନାମ– କନକ ମୁଣ୍ଡାଇ
ରଥାଧିଦୈବତ– ଶିବ ଓ ବିରଞ୍ଚି
ରଥାଦ୍ଧାର– ଭୈରବୀ
ରଥ ଅପସରା– ପୁଲୋମୋଚା, ଉର୍ବଶୀ
ରଥର ଦଧିନଉତି– ହିରଣ୍ୟଗର୍ଭ
ରଥର ଶୁକ ଯୁଗଳ(ଶୁଆ) ନାମ– ଜୀବ ଓ ପରମ
ଦଧିନଉତି ଉପରିସ୍ଥ କଳସ ତ୍ରୟର ନାମ– ନଭ, ଆକାଶ ଓ ବ୍ୟୋମ
କଳସ ଉପରେ ଥିବା ଶୂନ୍ୟଚକ୍ରର ନାମ– ସୁଦର୍ଶନ
ନେତର ନାମ– ତ୍ରୈଲୋକ୍ୟମୋହିନୀ
ରଥକାର– ବିଶ୍ବକର୍ମା
ରଥ ରତ୍ନ– ସ୍ପଟିକ
ରଥ ଚକମାନଙ୍କର ନାମ– ବିଷ୍ଣୁସିଦ୍ଧ, ବିଭୂତି, ଅଣିମା, ପ୍ରଜ୍ଞା, ଧି, ଜ୍ଞାନ, ପ୍ରେମ ଆଶକ୍ତ, ରତି, କେଳି, ସତ୍ୟ, ସୁଷ୍ବସ୍ତି, ଜାଗୃତି, ତୁରୀୟ, ଆମ, ନିର୍ବାଣ
ରଥଦ୍ଧାର ଭୈରବୀ ଓ ରକ୍ଷକ– ଇନ୍ଦ୍ର ଓ ଇନ୍ଦ୍ରାଣୀ
ଶାସ୍ତ୍ରରେ ବର୍ଣ୍ଣିତ ଅଛି ଯେ, ନନ୍ଦିଘୋଷ ରଥ ଦର୍ଶନରେ ସାଯୁଜ୍ୟ ମୁକ୍ତି ମିଳେ।
