ଭୁବନେଶ୍ୱର: ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ଭାଷା ଓ ସାମାଜିକ ବିଜ୍ଞାନ ବିଭାଗ କଳା, ଯୋଗାଯୋଗ ଓ ଭାରତୀୟ ଅଧ୍ୟୟନ ଅନୁଷ୍ଠାନ ଦ୍ୱାରା ଶ୍ରୁତି ଭବନରେ ଏକ ସ୍ପତନ୍ତ୍ର ବକ୍ତୃତା: “ନାଟକ ଓ ଚଳଚ୍ଚିତ୍ରର ଆତ୍ମାକୁ ଅନୁସନ୍ଧାନ” ଶୀର୍ଷକ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ମହାନ ନାଟ୍ୟ ବ୍ୟକ୍ତିତ୍ୱ ଶ୍ରୀ ଅନନ୍ତ ମହାପାତ୍ର ଉପସ୍ଥିତ ଥିଲେ । ୯୦ ବର୍ଷ ବୟସରେ ମଧ୍ୟ ଶ୍ରୀ ମହାପାତ୍ରଙ୍କ ବାଗ୍ମୀତା, ନମ୍ରତା ଓ କଳା ପ୍ରତି ଉତ୍ସାହ ସମଗ୍ର କାର୍ଯ୍ୟକ୍ରମରେ ଗଭୀର ପ୍ରଭାବ ପକାଇଥିଲା । ସେ ଭାରତରେ ନାଟକର ବିକାଶ ପ୍ରାଚୀନ ଧାର୍ମିକ ପ୍ରଦର୍ଶନରୁ ଆରମ୍ଭ କରି ଆଧୁନିକ କଳାତ୍ମକ ଅଭିବ୍ୟକ୍ତି ପର୍ଯ୍ୟନ୍ତ ବିଭିନ୍ନ ବିଷୟରେ ଗଭୀର ଚିନ୍ତନ ବ୍ୟକ୍ତ କରିଥିଲେ, ଏବଂ ନାଟକ ଓ ଚଳଚ୍ଚିତ୍ର ମାନବ ଚେତନାର ସତ୍ୟକୁ କିପରି ପ୍ରତିଫଳିତ କରେ ତାହା ଉପରେ ଆଲୋକପାତ କରିଥିଲେ ।
ସେ କହିଥିଲେ ଯେ “ନାଟକ ସେଠାରୁ ଆରମ୍ଭ ହୁଏ ଯେଉଁଠି ଶବ୍ଦ ଶେଷ ହୁଏ । ମଂଚ ଓ ପରଦାର ଭାବନାତ୍ମକ ଓ ଆଧ୍ୟାତ୍ମିକ ସାର ଉପରେ ସେ ଜୋର ଦେଇଥିଲେ । ତାଙ୍କ ଜୀବନ୍ତ ଅନୁଭବ ଓଡ଼ିଆ ନାଟକର ସ୍ୱର୍ଣ୍ଣିମ ଯୁଗର ଅନୁଭବ ପ୍ରଦାନ କରିଥିଲା ।
ଶ୍ରୀ ଶ୍ରୀ ବିଶ୍ୱବିଦ୍ୟାଳୟର ମାନ୍ୟବର କୁଳାଧିପତି ପ୍ରଫେସର ତେଜ ପ୍ରତାପ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ସେ କଳା ମାଧ୍ୟମରେ ସୃଜନଶୀଳତା, ସାଂସ୍କୃତିକ ସଚେତନତା ଓ ବୌଦ୍ଧିକ ଗଭୀରତାକୁ ପ୍ରୋତ୍ସାହିତ କରିବା ପାଇଁ ଅନୁଷ୍ଠାନର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥିଲେ । ଏଫଏସିଆଇଏସର ଡିନ, ପ୍ରଫେସର ଗୁରୁ ରତିକାନ୍ତ ମହାପାତ୍ର କାର୍ଯ୍ୟକ୍ରମର ସଂଯୋଜନା କରିଥିଲେ । କାର୍ଯ୍ୟକ୍ରମରେ ଡକ୍ଟର ଦେବୀ ଦେବଯାନୀଙ୍କ ଦ୍ୱାରା ଏକ ଆତ୍ମାସ୍ପର୍ଶୀ ଭଜନ ପରିବେଷଣ କରାଯାଇଥିଲା । ଏସଓଏସସିର ମୁଖ୍ୟ, ଡକ୍ଟର ରାକେଶ ତ୍ରିପାଠୀ ତାଙ୍କର ସ୍ୱାଗତ ଭାଷଣରେ ନାଟକ ଓ ଚଳଚ୍ଚିତ୍ରକୁ କେବଳ ମନୋରଞ୍ଜନ ନୁହେଁ, ବରଂ ମାନବ ମନର ଗଭୀର ପ୍ରତିଫଳନଭାବେ ଦେଖିବାର ଗୁରୁତ୍ୱ ଉପରେ ଜୋର ଦେଇଥିଲେ । କାର୍ଯ୍ୟକ୍ରମରେ ଡକ୍ଟର ମଧୁମିତା ଦାସ ଧନ୍ୟବାଦ ଅର୍ପଣ କରିଥିଲେ । ଏଫଏସିଆଇଏସର ସହକାରୀ ଅଧ୍ୟାପକ ଶ୍ରୀ ତ୍ରିନାଥ ମଜୁମଦାରଙ୍କୁ ତାଙ୍କର ସୃଜନଶୀଳ ଡିଜାଇନ ପାଇଁ ବିଶେଷ ସ୍ୱୀକୃତି ଦିଆଯାଇଥିଲା ।
Comments are closed, but trackbacks and pingbacks are open.