କଲ୍ୟାଣ ଜୁଏଲର୍ସର ୨୦୨୩ରେ ୫୨ ସପ୍ତାହରେ ୫୨ ନୂଆ ଷ୍ଟୋର ଖୋଲିବା ଲକ୍ଷ୍ୟ

ଭୁବନେଶ୍ୱର: ଭାରତର ଅଗ୍ରଣୀ ଗହଣା କଂପାନି କଲ୍ୟାଣ ଜୁଏଲର୍ସ ପକ୍ଷରୁ ୨୦୨୩ରେ ୫୨ ସପ୍ତାହରେ ୫୨ଟି ନୂଆ ଷ୍ଟୋର ଖୋଲିବାକୁ ଲକ୍ଷ୍ୟ ରଖାଯାଇଛି । ଏହା ଜରିଆରେ କଂପାନି ଏହାର ଉପସ୍ଥିତିରେ ୩୦% ବୃଦ୍ଧି ଆଣିବ ।
୨୦୨୩ରେ କଂପାନି ମୁଖ୍ୟତଃ ଅଣ ଦକ୍ଷିଣ ଭାରତୀୟ ଅଂଚଳରେ ସମ୍ପ୍ରସାରଣ ଉପରେ ଗୁରୁତ୍ୱାରୋପ କରିବ । କଂପାନିର ମୋଟ କାରବାର ପ୍ରତି ଏହି ଅଂଚଳଗୁଡ଼ିକର ଅବଦାନ ୩୫% ରହିଛି । ଅଣ ଦକ୍ଷିଣ ଭାରତୀୟ ବଜାରରୁ ୫୦% ରାଜସ୍ୱ ସଂଗ୍ରହ କରିବା ଲାଗି ଯେଉଁ ଭିଜନ ୨୦୨୫ ରହିଛି ସେହି ଆଧାରରେ କଲ୍ୟାଣ ଜୁଏଲର୍ସ ଏହାର ଷ୍ଟୋର ସମ୍ପ୍ରସାରଣ କରିବାକୁ ଯୋଜନା ରଖିଛି ।
୨୦୨୨ରେ ପାଇଲଟ୍ ଫ୍ରାଂଚାଇଜ୍ ପର୍ଯ୍ୟାୟ ସଫଳତାର ସହ ଶେଷ ହେବା ପରେ କଂପାନିର ସମ୍ପ୍ରସାରଣ ଯୋଜନା ମୁଖ୍ୟତଃ ଫ୍ରାଂଚାଇଜି ଉପରେ ପର୍ଯ୍ୟବେସିତ ରହିବ । ଫ୍ରାଚାଂଇଜି ମାଲିକାନା କଂପାନି ପରିଚାଳନା (ଫୋକୋ) ମଡେଲ୍‌ରେ କଲ୍ୟାଣ ଜୁଏଲର୍ସର ଫ୍ରାଚାଂଇଜି ମଡେଲ୍ ପର୍ଯ୍ୟବେସିତ ଯାହା ପୁଞ୍ଜି ପ୍ରଭାବୀ ଏବଂ ପୁଂଜି ଉପରେ ଭଲ ରିଟର୍ଣ୍ଣ ପ୍ରଦାନ କରିବ ।
ମେଟ୍ରୋ ବଜାରରେ ଭଲ କାରବାର ହେବା ସହ ନୂଆ ଫିଢ଼ିର ଗ୍ରାହକମାନଙ୍କ ମଧ୍ୟରେ ଉତ୍ସାହ ରହିଥିବାରୁ କଂପାନି ସମସ୍ତ ପ୍ରମୁଖ ମେଟ୍ରୋ ସହରରେ ମଧ୍ୟ ସମ୍ପ୍ରସାରଣ କରିବାକୁ ଯୋଜନା ରଖିଛି । ଉତର, ପୂର୍ବ ଏବଂ ପଶ୍ଚିମ ଭାରତର ଦ୍ୱିତୀୟ ଏବଂ ତୃତୀୟ ଶ୍ରେଣୀର ଭୌଗୋଳିକ ଅଂଚଳରେ ମଧ୍ୟ କଂପାନି ଏହାର ଉପସ୍ଥିତି ବଢ଼ାଇବାକୁ ଚାହୁଛି ।
ମଧ୍ୟ ପ୍ରାଚ୍ୟ ଅଂଚଳରୁ କଲ୍ୟାଣ ଜୁଏଲର୍ସର ୧୭ ପ୍ରତିଶତ ରାଜସ୍ୱ ଆସୁଥିବାରୁ କଂପାନି ସେହି ଅଂଚଳରେ ମଧ୍ୟ ସମ୍ପ୍ରସାରଣ କରି ନିଜର ଆନ୍ତର୍ଜାତିକ ଉପସ୍ଥିତିକୁ ସୁଦୃଢ଼ କରିବାକୁ ଯୋଜନା ରଖିଛି । କଂପାନିର ଇ-କମର୍ସ ଶାଖା କାଣ୍ଡେରେ ଡଟ୍ କମ୍‌ର ଖୁଚୁରା ଉପସ୍ଥିତିକୁ ବଢ଼ାଇବାକୁ କଂପାନି ଯୋଜନା ରଖିଛି । କଂପାନି ମୁମ୍ବାଇର ମଲାଡ୍‌ରେ ସଫଳତାର ସହ ଏକ ପ୍ରତ୍ୟକ୍ଷ ଏକ୍ସପେରିଏନ୍ସ ସେଂଟରର ପରିଚାଳନା କରୁଛି ।
କଲ୍ୟାଣ ଜୁଏଲର୍ସର କାର୍ଯ୍ୟନିର୍ବାହୀ ନିର୍ଦେଶକ ରମେଶ କଲ୍ୟାଣରମଣ କହିଛନ୍ତି ଯେ, “୨୦୨୨ ସେପ୍ଟେମ୍ବର ୩୦ ସୁଦ୍ଧା କଂପାନି ପ୍ରାୟ ୧୩୦୦୦ କୋଟି ଟଙ୍କାର ରାଜସ୍ୱ ଏବଂ ପ୍ରାୟ ୪୨୫ କୋଟି ଟଙ୍କାର ପିଏଟି ହାସଲ କରି ଉଲ୍ଲେଖନୀୟ ପ୍ରଦର୍ଶନ କରିଛି । ଗହଣା କ୍ଷେତ୍ର ଏବେ ଅଧିକ ସଂଗଠିତ ଏବଂ ଅନୁଭୂତିପୂର୍ଣ୍ଣ ରିଟେଲ ବଜାର ଆଡ଼କୁ ଅଗ୍ରସର ହେଉଥିବା ବେଳେ ସେହି ଧାରାର ଲାଭ ହାସଲ କରିବା ଲାଗି ଆମେ ବେଶ ସୁଦୃଢ଼ ସ୍ଥିତିରେ ରହିଛୁ । କଂପାନିର ପରବର୍ତୀ ପିଢ଼ିର ଅଭିବୃଦ୍ଧିକୁ ଆଗକୁ ବଢ଼ାଇବା ହେଉଛି ଏହି ସାମଗ୍ରିକ ରଣନୀତିର ପ୍ରମୁଖ ଲକ୍ଷ୍ୟ ଏବଂ ଏହା ଆମ ବଜାର ଅଂଶରେ ଉଲ୍ଲେଖନୀୟ ଉନ୍ନତି ଆଣିବ ଏବଂ ଆମ ପୁଂଜି ଉପରେ ଉତମ ରିଟର୍ଣ୍ଣ ପ୍ରଦାନ କରିବ ।’’