ପୁରୀ ସ୍ୱର୍ଗଦ୍ୱାର ଶ୍ମଶାନକୁ ଲାଗି ରହିଥିବା ଗୋଟିଏ ପୂରୁଣା ଘର ସମେତ ୮ଟି ଦୋକାନ ଘରକୁ ଗତକାଲି ପୁରୀଜିଲ୍ଲା ପ୍ରଶାସନ ପକ୍ଷରୁ ଉଚ୍ଛେଦ କରାଯିବା ପରେ ମିଳିଥିବା ୧୫୪ ଡେସିମିଲ ଜମିକୁ ଶ୍ମଶାନ ସହିତ ମିଶାଇ ଦିଆଯାଇଛି।
ଉଚ୍ଛେଦ ହୋଇଥିବା କୋଠା ଓ ଦୋକାନ ଘର ଜମିର ମାଲିକାନା ଶ୍ରୀଜଗନ୍ନାଥ ମହାପ୍ରଭୁଙ୍କ ନାମରେ ରହିଛି । ୨ ଜଣ ମାଜିଷ୍ଟ୍ରେଟ୍ ଓ ପୋଲିସ ଉପସ୍ଥିତିରେ ଏହି ଉଚ୍ଛେଦ କରାଯାଇଥିଲା । ପ୍ରସ୍ତାବିତ ସ୍ୱର୍ଗଦ୍ୱାର ଶ୍ମଶାନ ବିକାଶ ଯୋଜନାରେ ଏହି ଜମିକୁ ଅନ୍ତର୍ଭୁକ୍ତ କରାଯିବ ବୋଲି ଜିଲ୍ଲାପାଳ କହିଛନ୍ତି।
