ଭାରତର ଏଆଇ ବିପ୍ଳବର ନେତୃତ୍ୱ ନେବାକୁ ଲକ୍ଷ୍ୟ ରଖିଛି ଓଡ଼ିଶା : ଆଇଟି ମନ୍ତ୍ରୀ ଡଃ ମୁକେଶ ମହାଲିଙ୍ଗ
ଭୁବନେଶ୍ୱର : ଓଡ଼ିଶା ସରକାରଙ୍କ ମାନ୍ୟବର ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ଡଃ ମୁକେଶ ମହାଲିଙ୍ଗ ଭୁବନେଶ୍ୱରରେ ରିଟେଲ ଅପ୍ଟିମାଇଜେସନ୍ ଏବଂ ଯୋଗାଣ ଶୃଙ୍ଖଳା ସମାଧାନ କ୍ଷେତ୍ରରେ ବିଶ୍ୱସ୍ତରରେ ଅଗ୍ରଣୀ ଲଜାଇଲର ନୂତନ ଗ୍ଲୋବାଲ୍ ଇନୋଭେସନ୍ ସେଂଟରକୁ ଉଦଘାଟନ କରିଛନ୍ତି । ଏହି ସମ୍ପ୍ରସାରଣ ବୈଷୟିକ ଉଦ୍ଭାବନ ପ୍ରତି ଲଜାଇଲର ପ୍ରତିବଦ୍ଧତା ଏବଂ ଆନ୍ତର୍ଜାତୀୟ ଟେକ୍ନୋଲୋଜିରେ ନିବେଶ ପାଇଁ ଏକ ପ୍ରମୁଖ ଗନ୍ତବ୍ୟସ୍ଥଳୀ ଭାବେ ଓଡିଶାର ଅଗ୍ରଗତିକୁ ହାଇଲାଇଟ କରୁଛି ।
ଏହି ଅବସରରେ ଓଡ଼ିଶା ସରକାରଙ୍କ ମାନ୍ୟବର ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ, ଡଃ ମୁକେଶ ମହାଲିଙ୍ଗ, ଏଆଇ ବିପ୍ଳବରେ ଅଗ୍ରଣୀ ହେବା ପାଇଁ ରାଜ୍ୟର ପ୍ରତିବଦ୍ଧତାକୁ ପୁନଃ ଦୋହରାଇଛନ୍ତି । ସେ କହିଛନ୍ତି ଯେ, “ଆମର ଏଆଇ ନୀତି ରାଜ୍ୟ କ୍ୟାବିନେଟ ଦ୍ୱାରା ଅନୁମୋଦନ ପାଇଛି, ଯାହା କୃତ୍ରିମ ବୁଦ୍ଧିମତା କ୍ଷେତ୍ରରେ ଓଡ଼ିଶାକୁ ଏକ ନେତୃତ୍ୱ ଭାବରେ ସ୍ଥାନିତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଆମେ ରାଜ୍ୟକୁ ଏକ ଫିନଟେକ୍ ହବ୍ ଭାବରେ ପ୍ରତିଷ୍ଠା କରିବା ପାଇଁ ମଧ୍ୟ ସକ୍ରିୟ ଭାବରେ କାର୍ଯ୍ୟ କରୁଛୁ ।” ଓଡ଼ିଶାର ପରିବର୍ତନକାରୀ ଅର୍ଥନୈତିକ କାହାଣୀର ଅଂଶ ହେବା ପାଇଁ ସେ ବିଶ୍ୱବ୍ୟାପୀ ନିବେଶକମାନଙ୍କୁ ଖୋଲା ନିମନ୍ତ୍ରଣ କରିଛନ୍ତି ।
ଏହି କାର୍ଯ୍ୟକ୍ରମରେ ଯୋଗଦେଇ ଓଡ଼ିଶା ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ଆଇଟି ପ୍ରମୁଖ ସଚିବ ବିଶାଲ ଦେବ ଭୁବନେଶ୍ୱରକୁ ଏକ ଅଗ୍ରଣୀ ଆଇଟି ଗନ୍ତବ୍ୟସ୍ଥଳ ଭାବରେ ଉନ୍ନୀତ କରିବା ପାଇଁ ରାଜ୍ୟର ମହତ୍ୱାକାଂକ୍ଷୀ ଯୋଜନା ସମ୍ପର୍କରେ ବର୍ଣ୍ଣନା କରିଥିଲେ । ସେ କହିଥିଲେ ଯେ, \”ଆମର ଲକ୍ଷ୍ୟ ହେଉଛି ପ୍ରତିଦିନ ଏକ ନୂତନ ଆଇଟି କମ୍ପାନୀକୁ ଭୁବନେଶ୍ୱରକୁ ଆକର୍ଷିତ କରିବା ।’
ଲଜାଇଲର ଆଗାମୀ ସମ୍ପ୍ରସାରଣ ବିଷୟରେ ଆଲୋଚନା କରି ଶ୍ରୀ ଦେବ ଜୋର ଦେଇ କହିଛନ୍ତି, \”ଲଜାଇଲ କେବଳ ଖର୍ଚ୍ଚ ଦକ୍ଷତା ନୁହେଁ, ବିଶ୍ୱସ୍ତରୀୟ ଉତ୍କର୍ଷତା ପାଇଁ ମଧ୍ୟ ପ୍ରତିବଦ୍ଧ । ସେମାନେ ଖୁବ୍ ଶୀଘ୍ର ଏଠାରେ ନିଜର କ୍ୟାମ୍ପସ୍ ପ୍ରତିଷ୍ଠା କରିବେ, ଏବଂ ଏହି ଅଭିବୃଦ୍ଧିକୁ ସହଜ କରିବା ପାଇଁ ସରକାର ପୂର୍ଣ୍ଣ ସମର୍ଥନ ଯୋଗାଇବେ ।’
ଏହି ନୂଆ ସେଂଟର ଏଆଇ-ଚାଳିତ ଯୋଗାଣ ଶୃଙ୍ଖଳାର କାର୍ଯ୍ୟକାରିତା, ଷ୍ଟୋର-ଲେଭେଲ ଇନ୍ଭେଂଟୋରୀ ପ୍ଲାନିଙ୍ଗ, କର୍ମଚାରୀଙ୍କ ପରିଚାଳନା ଓ ଜେନେରେଟିଭ ଏଆଇ-ପରିଚାଳିତ ରିଟେଲ ଟେକ୍ନୋଲୋଜି ସମେତ କ୍ଲାଉଡ-ଭିତିକ ସାସ୍ ପ୍ଲାଟଫର୍ମର ବ୍ୟବହାର କରି ଅତ୍ୟାଧୁନିକ ରିଟେଲ ସଲ୍ୟୁଶନ ବିକଶିତ କରିବା ଉପରେ ଗୁରୁତ୍ୱ ଦେବ । ଏହି ଉଦ୍ଭାବନଗୁଡିକ ପୂର୍ବାନୁମାନର ସଠିକତା ବୃଦ୍ଧି କରିବା ଏବଂ ସ୍ମାର୍ଟ ରିଟେଲ ପରିଚାଳନାଗୁଡିକୁ ସକ୍ଷମ କରିବା ପାଇଁ ଏନ୍ଭିଡିଆ ଜିପିୟୁ ଆର୍କିଟେକ୍ଚରର ବ୍ୟବହାର କରିବ ।
ଲଜାଇଲର ପ୍ରତିଷ୍ଠାତା ଓ ସିଇଓ ଶ୍ରୀ ପୂର୍ଣ୍ଣ ମିଶ୍ର ତାଙ୍କ ନିଜ ରାଜ୍ୟରେ ଏହି ସେଂଟର୍ ସ୍ଥାପିତ ହେବାକୁ ନେଇ ଗର୍ବିତ ଅନୁଭବ କରିବା ସହ ଉଲ୍ଲେଖ କରିଛନ୍ତି, “ଏହି କେନ୍ଦ୍ର ଉଦ୍ଭାବନ ପାଇଁ ଆମର ଦୃଷ୍ଟିକୋଣ ଏବଂ ଏକ ଟେକ୍ନୋଲୋଜି ହବ୍ ଭାବେ ଓଡିଶାର ବିକାଶ ପ୍ରତି ଆମର ପ୍ରତିଶ୍ରୁତିବଦ୍ଧତାର ପ୍ରତିନିଧିତ୍ୱ କରୁଛି । ଆମେ ବିଶ୍ୱସ୍ତରୀୟ ରିଟେଲ ସମାଧାନ ନିର୍ମାଣ କରିବା ପାଇଁ ଉଚ୍ଚମାନର ନିଯୁକ୍ତି ସୃଷ୍ଟି କରି ଏବଂ ସ୍ଥାନୀୟ ପ୍ରତିଭାମାନଙ୍କ ସହ ସହଭାଗିତା କରି ଉତ୍ସାହିତ ଅଛୁ ।”
ଏହି ସେଂଟର ଭାରତ ଓ ବିଦେଶରୁ ପେସାଦାରମାନଙ୍କୁ ଆକର୍ଷିତ କରି କ୍ଲାଉଡ-ନେଟିଭ ଡେଭ୍ଲପମେଂଟ, ଏଆଇ/ଏମଏଲ, ଡାଟା ଇଞ୍ଜିନିୟରିଂ, ଡେଭ୍ଓପ୍ସ, ୟୁଆଇ/ୟୁଏକ୍ସ ଡିଜାଇନ ଓ ପ୍ରୋଜେକ୍ଟ ମ୍ୟାନେଜମେଂଟ କ୍ଷେତ୍ରରେ କ୍ୟାରିୟର ସୁଯୋଗ ପ୍ରଦାନ କରିବ । ଭୁବନେଶ୍ୱରର ବିକଶିତ ଟେକ୍ ଇକୋସିଷ୍ଟମ, ଜୀବନଯାପନ ପାଇଁ କମ୍ ଖର୍ଚ୍ଚ ଏବଂ ସୁଦୃଢ ପ୍ରତିଭା ଆଧାର ଏହାକୁ ଲଜାଇଲର ସମ୍ପ୍ରସାରଣ ପାଇଁ ଏକ ଆଦର୍ଶ ସ୍ଥାନରେ ପରିଣତ କରୁଛି ।
ଶ୍ରୀଯୁକ୍ତ ମିଶ୍ର ଆହୁରି ମଧ୍ୟ କହିଛନ୍ତି, “ଆମେ ଏକ ‘ମେକ୍ ଇନ ଓଡିଶା’ ସଫଳ କାହାଣୀ ସୃଷ୍ଟି କରୁଛୁ ଯାହା ବିଶ୍ୱବ୍ୟାପୀ ରିଟେଲରମାନଙ୍କୁ ସେବା ଯୋଗାଇବ । ଆମେ ରିଟେଲ ଟେକ୍ନୋଲୋଜିର ଭବିଷ୍ୟତକୁ ନୂଆ ରୂପ ଦେବାରେ ଆମ ସହ ଯୋଗ ଦେବା ପାଇଁ ଦକ୍ଷ ପେସାଦାରମାନଙ୍କୁ ଆମନ୍ତ୍ରଣ କରୁଛୁ ।”
ସ୍ୱତନ୍ତ୍ର ସଚିବ (ଆଇଟି ଆଣ୍ଡ ଇ) ଶ୍ରୀ ମାନସ ପଣ୍ଡା ଏବଂ ଲଜାଇଲର ଭାରତ ମୁଖ୍ୟ ଶ୍ରୀ ଶୁଭାଶିଷ ପଟ୍ଟନାୟକ ଏହି ଅବସରରେ ଯୋଗ ଦେଇଥିଲେ ଏବଂ ରାଜ୍ୟ ଆଇଟି କ୍ଷେତ୍ରରେ ଦ୍ରୁତ ଅଭିବୃଦ୍ଧି ଏବଂ ଓଡ଼ିଶା କିପରି ଦେଶର ଏକ ପ୍ରମୁଖ ଆଇଟି ହବ୍ରେ ପରିଣତ ହୋଇଛି ତାହା ଉପରେ ଆଲୋକପାତ କରିଥିଲେ ।
କମ୍ପାନୀ ଏହି ଡେଭ୍ଲପମେଂଟ ସେଂଟର ପାଇଁ ଭୁବନେଶ୍ୱରକୁ ଚୟନ କରିଛି କାରଣ ଏହା ଟେକ୍ନୋଲୋଜି ପ୍ରଫେସନାଲଙ୍କ ପାଇଁ ଏକ ଆକର୍ଷଣୀୟ ମୂଲ୍ୟ ପ୍ରସ୍ତାବ ପ୍ରଦାନ କରୁଛି ଯେପରିକି : ଉନ୍ନତ ମାନର ଜୀବନ, ଏକ ଉଦୀୟମାନ ଇନୋଭେଶନ ସେଂଟର, ଏକ ମଜବୁତ ଓ ସ୍ଥିର ପ୍ରତିଭା ଆଧାର, ଟିୟର ୧ ସହରଗୁଡିକ ତୁଳନାରେ କର୍ମଚାରୀ ସ୍ଥାୟୀତ୍ୱ ହାର ଅଧିକ ଏବଂ ଜୀବନଯାପନ ପାଇଁ ଅପେକ୍ଷାକୃତ କମ୍ ଖର୍ଚ୍ଚ – ଏସବୁ ଏକ ଉତ୍କୃଷ୍ଟମାନର କାର୍ଯ୍ୟ-ଜୀବନ ସନ୍ତୁଳନ ବିକଶିତ କରିଥାଏ । ସହରରେ ଏକ ବିଶାଳ କେନ୍ଦ୍ର ସ୍ଥାପନ କରିଥିବା ଅନ୍ୟତମ ପ୍ରଥମ ଆନ୍ତର୍ଜାତୀୟ ଏଂଟରପ୍ରାଇଜ ସଫ୍ଟୱେୟାର କମ୍ପାନୀ ଭାବେ ଲଜାଇଲ ରାଜ୍ୟ ଉପରେ ଏକ ଦୀର୍ଘସ୍ଥାୟୀ ଓ ସକାରାତ୍ମକ ପ୍ରଭାବ ସୃଷ୍ଟି କରିବା ପାଇଁ ପ୍ରତିବଦ୍ଧ ରହିଛି ।
Comments are closed, but trackbacks and pingbacks are open.